കെ.വിവേക് ഷെട്ടി

കാസർകോട്∙ നാലു മാസം മുൻപ് 70 ലക്ഷം രൂപ ലോട്ടറിയടിച്ച വ്യാപാരിയെ മരിച്ച നിലയിൽ കണ്ടെത്തി. നെല്ലിക്കുന്നിൽ വ്യാപാരിയായ ബങ്കരക്കുന്നിലെ കെ.വിവേക് ഷെട്ടി (37) ആണ് മരിച്ചത്. കടയിൽ തൂങ്ങിമരിച്ച നിലയിലാണ് കണ്ടെത്തിയത്.

വിവേക് ഷെട്ടിക്ക് നാലു മാസം മുൻപ് കേരള ലോട്ടറിയുടെ 70 ലക്ഷം രൂപ സമ്മാനം ലഭിച്ചിരുന്നു. ഇയാൾക്ക് സാമ്പത്തിക പ്രതിസന്ധികൾ ഉണ്ടായിരുന്നില്ലെന്നാണ് പൊലീസ് ഭാഷ്യം. മറ്റു കാരണങ്ങളുണ്ടോയെന്ന് പരിശോധിക്കുമെന്നും പൊലീസ് വ്യക്തമാക്കി.

തിമ്പണ്ണ ഷെട്ടിയുടെയും ദവാനിയുടെയും മകനാണ് വിവേക് ഷെട്ടി. ഭാര്യ: ആരതി. മകൻ: ആൻവി. സഹോദരങ്ങൾ: കെ.പുനീത് രാജ്ഷെട്ടി, വിദ്യ.

(ശ്രദ്ധിക്കുക: ആത്മഹ‌ത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക.
ഹെൽപ്‌ലൈൻ നമ്പരുകൾ – 1056, 0471- 2552056).