സൈഡ് നൽകാത്തതിൽ സംഘർഷം: താക്കോൽ കൊണ്ട് ഓട്ടോ ഡ്രൈവർ ഇടിച്ചു, ബൈക്ക് യാത്രക്കാരന്റെ കാഴ്ച നഷ്ടപ്പെട്ടു

അജാസ്

നെടുങ്കണ്ടം ∙റോഡിൽ സൈഡ് നൽകാത്തതിനെത്തുടർന്നുണ്ടായ സംഘർഷത്തിൽ ബൈക്ക് യാത്രക്കാരനു പരിക്ക്. ഒരു കണ്ണിന്റെ കാഴ്ച നഷ്ടപ്പെട്ടു. കോമ്പയാർ സ്വദേശി സച്ചിന്റെ ഇടതുകണ്ണിന്റെ കാഴ്ചയാണു പൂർണമായും നഷ്ടപ്പെട്ടത്.

വാഹനത്തിന്റെ താക്കോൽ കൊണ്ട് ഓട്ടോഡ്രൈവർ ഇടിക്കുകയായിരുന്നു. ഓട്ടോറിക്ഷ ഡ്രൈവർ കോമ്പയാർ സ്വദേശി വാണിയപുരയ്ക്കൽ അജാസിനെ (32) നെടുങ്കണ്ടം പൊലീസ് അറസ്റ്റ് ചെയ്തു. കാഴ്ച നഷ്ടപ്പെട്ട യുവാവ് ചികിത്സയിലാണ്. പ്രതിയെ റിമാൻഡ് ചെയ്തു.