jeevan news online

വാർത്തകൾ വിശദമായി

കേരളത്തില്‍ 3,346 പേര്‍ക്ക് കൂടി കോവിഡ് സ്ഥിരീകരിച്ചു.


കേരളത്തില്‍ 3,346 പേര്‍ക്ക് കൂടി കോവിഡ് സ്ഥിരീകരിച്ചു. 2,965 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 17 മരണങ്ങളും റിപ്പോര്‍ട്ട് ചെയ്തു. 3,921 പേര്‍ രോഗമുക്തി നേടി

33,093 സാമ്പിളുകള്‍ പരിശോധിച്ചപ്പോഴാണ് 3346 പേര്‍ക്ക് കോവിഡ് സ്ഥിരീകരിച്ചത്. എറണാകുളം, കോഴിക്കോട്, മലപ്പുറം, കൊല്ലം, കോട്ടയം എന്നീ ജില്ലകളിലാണ് ഏറ്റവും കൂടുതല്‍ രോഗികളുള്ളത്. രോഗം സ്ഥിരീകരിച്ചവരില്‍ 42 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 2965 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 286 പേരുടെ സമ്പര്‍ക്ക ഉറവിടം വ്യക്തമല്ല. 53 ആരോഗ്യ പ്രവര്‍ത്തകര്‍ക്കും രോഗം ബാധിച്ചു. യു.കെ.യില്‍ നിന്നും വന്ന ആര്‍ക്കും തന്നെ കഴിഞ്ഞ 24 മണിക്കൂറിനകം കോവിഡ് സ്ഥിരീകരിച്ചിട്ടില്ല.  രോഗം സ്ഥിരീകരിച്ച് ചികിത്സയിലായിരുന്ന 3921 പേരുടെ പരിശോധനാഫലം നെഗറ്റീവ് ആയി. ഇതോടെ 68,399 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 7,79,097 പേര്‍ ഇതുവരെ കോവിഡില്‍ നിന്നും മുക്തി നേടി. . 17 മരണങ്ങളും കോവിഡ് മൂലമാണെന്ന് സ്ഥിരീകരിച്ചു. ഇതോടെ ആകെ മരണം 3480 ആയി. ഒരു പുതിയ ഹോട്ട് സ്പോട്ടാണുള്ളത്.് 2 പ്രദേശങ്ങളെ ഹോട്ട് സ്പോട്ടില്‍ നിന്നും ഒഴിവാക്കി. ഇതോടെ നിലവില്‍ ആകെ 419 ഹോട്ട് സ്പോട്ടുകളാണുള്ളത്.

ജീവന്‍ ന്യൂസ് തിരുവനന്തപുരം

 

 










<

JEEVAN TV NEWS

JEEVAN TV NEWS