jeevan news online

വാർത്തകൾ വിശദമായി

മൊബൈല്‍ സേവനദാതാക്കളായ വോഡഫോണ്‍ ഐഡിയ, എയര്‍ടെല്‍ എന്നിവയുടെ വര്‍ദ്ധിപ്പിച്ച കോള്‍, ഡാറ്റ നിരക്കുകള്‍ ഇന്ന് മുതല്‍


10 മുതല്‍ 45 ശതമാനം വരെയാണ് നിരക്ക് വര്‍ദ്ധിപ്പിച്ചിട്ടുള്ളത്. റിലയന്‍സ് ജിയോയുടെ നിരക്ക് വര്‍ദ്ധന വെള്ളിയാഴ്ച നിലവില്‍ വരും.
നാലു വര്‍ഷത്തിനിടെ മൊബൈല്‍ കമ്പനികള്‍ നിരക്കുകളില്‍ വരുത്തുന്ന വലിയ വര്‍ധനവാണിത്. പുതിയ നിരക്ക് അനുസരിച്ച് വോഡഫോണ്‍ ഐഡിയ, എയര്‍ടെല്‍ എന്നിവയുടെ വിവിധ പ്ലാനുകളില്‍ ആയി പ്രതിദിനം 50 പൈസ മുതല്‍ 2 രൂപ 85 പൈസ വരെ വര്‍ധിക്കും. ഇനി മറ്റു മൊബൈലുകളിലേക്ക് വിളിക്കുന്ന പരിധിയില്ലാത്ത കോളുകള്‍ക്കും നിയന്ത്രണമുണ്ട്. 28 ദിവസ പ്ലാനുകളില്‍ ആയിരം മിനിറ്റും 84 ദിവസത്തേതില്‍ 3000 മിനിട്ടും ഒരു വര്‍ഷത്തേതില്‍ 12,000 മിനിറ്റുമാണ് ഇനി സൗജന്യമായി ലഭിക്കുക. ഇതിനുശേഷം മിനിട്ടിന് ആറു പൈസ വീതം നല്‍കണം. റിലയന്‍സ് ജിയോയും 40 ശതമാനം നിരക്ക് വര്‍ധിപ്പിച്ചിട്ടുണ്ട്. വെള്ളിയാഴ്ച മുതലാണ് ഈ നിരക്ക് നിലവില്‍ വരിക. ബി.എസ്.എന്‍.എല്ലിന്റെ പുതിയ നിരക്കും ഉടന്‍ വരും. ജിയോയുടെ വരവോടെ കടുത്ത സാമ്പത്തിക പ്രതിസന്ധിയിലായ സാഹചര്യത്തിലാണ് നിരക്കുകള്‍ വര്‍ധിപ്പിച്ചത്.

 










<

JEEVAN TV NEWS

JEEVAN TV NEWS