jeevan news online

വാർത്തകൾ വിശദമായി

സംസ്ഥാനത്തെ മുഴുവന്‍ പൊലീസ് ഉദ്യോഗസ്ഥരുടേയും യോഗം വിളിച്ച് പിണറായി വിജയന്‍



സംസ്ഥാനത്തെ മുഴുവന്‍ പൊലീസ് ഉദ്യോഗസ്ഥരുടേയും യോഗം വിളിച്ച് മുഖ്യമന്ത്രി പിണറായി വിജയന്‍. സ്റ്റേഷന്‍ ഹൗസ് ഓഫീസര്‍മാര്‍ മുതല്‍ ഡിജിപി വരെയുള്ള ഉദ്യോഗസ്ഥരുടെ യോഗമാണ് വിളിച്ചത്. ജൂലൈ 16നാകും യോഗം.

പൊലീസിനെതിരായ പരാതികള്‍ കൂടുന്ന പശ്ചാത്തലത്തിലാണ് മുഖ്യമന്ത്രി പൊലീസുദ്യോഗസ്ഥരുടെ യോഗം വിളിച്ചത്. നെടുങ്കണ്ടം കസ്റ്റഡി മരണമടക്കമുള്ള സംഭവങ്ങളെ തുടര്‍ന്ന് സംസ്ഥാന പൊലീസ് സേനയും സര്‍ക്കാരും പ്രതിരോധത്തിലായിരുന്നു. കേരളാ പൊലീസിനെതിരെ ശക്തമായ വിമര്‍ശനം നിലനില്‍ക്കുന്നതിനിടെയാണ് മുഖ്യമന്ത്രി നേരിട്ട് ഉദ്യോഗസ്ഥരുമായി സംവദിക്കുന്നത്.

തിരുവനന്തപുരത്ത് നടക്കുന്ന യോഗത്തില്‍ ഡിജിപി മുതല്‍ എസ്പിമാര്‍ വരെയുള്ള ഉന്നത പൊലീസ് ഉദ്യോഗസ്ഥര്‍ നേരിട്ടെത്തണമെന്ന് നിര്‍ദേശിച്ചിട്ടുണ്ട്. എസ്‌ഐമാര്‍ മുതല്‍ അഡീഷണല്‍ എസ്പിമാര്‍ വരെയുള്ള ഉദ്യോഗസ്ഥര്‍ വീഡിയോ കോണ്‍ഫറസ് വഴിയും മറ്റുള്ളവര്‍ നേരിട്ടും യോഗത്തില്‍ പങ്കെടുക്കണമെന്നാണ് നിര്‍ദ്ദേശം. മുഖ്യമന്ത്രിയുടെ കോണ്‍ഫറന്‍സ് ഹാളില്‍ ജൂലൈ 16നാണ് യോഗം.

 

 










<

JEEVAN TV NEWS

JEEVAN TV NEWS