jeevan news online

വാർത്തകൾ വിശദമായി

കീടനാശിനി പ്രയോഗം ; രണ്ടുപേര്‍ മരിച്ചു


 

തിരുവല്ല വേങ്ങല്‍ പാടശേഖരത്ത് നെല്ലിന് മരുന്ന് തളിക്കുന്നതിനിടെ അസ്വസ്ഥത അനുഭവപ്പെട്ട രണ്ടുപേര്‍ മരിച്ചു. വേങ്ങല്‍ കഴുപ്പില്‍ കോളനിയില്‍ സനല്‍കുമാര്‍, ജോണി എന്നിവരാണ് മരിച്ചത്. മൂന്നുപേര്‍ ചങ്ങനാശ്ശേരി താലൂക്ക് ആശുപത്രിയില്‍ ചികിത്സയിലാണ്. വ്യാഴാഴ്ചയാണ് ഇവര്‍ പാടശേഖരത്ത് മരുന്ന് തളിച്ചത്.

ഇന്നലെ ഇവര്‍ അസ്വസ്ഥത പ്രകടിപ്പിച്ചതോടെ ആശുപത്രിയില്‍ പ്രവേശിപ്പിക്കുകയായിരുന്നു. ഇന്ന് രാവിലെയാണ് മരിച്ചത്. മരിച്ച രണ്ടുപേരും കര്‍ഷക തൊഴിലാളികള്‍ ആണ്. കൃഷി വകുപ്പ് അംഗീകരിച്ചുനല്‍കിയ കീടനാശിനി ആണോ ഇവര്‍ ഉപയോഗിച്ചതെന്ന് വ്യക്തമല്ല. വിരാട് എന്ന പേരില്‍ ഉള്ള കീടനാശിനി ചില സ്വകാര്യഏജന്‍സികള്‍ എത്തിച്ചതാണെന്നും പറയുന്നു.










<

JEEVAN TV NEWS

JEEVAN TV NEWS