jeevan news online

  • ദിലീപ് അഴിക്കുള്ളില്‍ തന്നെ.....കാവ്യയെ പ്രതിയാക്കേണ്ടതില്ലെന്ന് പോലീസ്.....നാദിര്‍ഷയുടെ വിധി നാളെ
  • രാമലീല 28 ന് തിയ്യേറ്ററുകളിലേക്ക്‌...ഫാദര്‍ ടോം ഉഴുന്നാലില്‍ വത്തിക്കാനില്‍...വൃദ്ധദമ്പതികള്‍ കൊല്ലപ്പെട്ട നിലയില്‍
  • രാമലീല 28 ന് തിയ്യേറ്ററുകളിലേക്ക്‌

വാർത്തകൾ വിശദമായി

ജാമ്യാപേക്ഷകള്‍ ഇന്ന്  


 

കൊച്ചി: നടിയെ ആക്രമിച്ച കേസില്‍ നടന്‍ ദിലീപ് ഹൈക്കോടതിയില്‍ ഇന്ന് പുതിയ ജാമ്യാപേക്ഷ സമര്‍പ്പിക്കും. നാദിര്‍ഷയുടെ മുന്‍കൂര്‍ ജാമ്യാപേക്ഷയും കോടതി ഇന്ന് തന്നെയാണ് പരിഗണിക്കുന്നത്. ഇരു ഹര്‍ജികളെയും ശക്തമായി എതിര്‍ക്കാനാണ് പ്രോസിക്യൂഷന്റെ തീരുമാനം അറസ്റ്റിലായി രണ്ടുമാസം പിന്നിട്ടതോടെയാണ് നാലാമത്തെ ജാമ്യാപേക്ഷയുമായി ദിലീപ് വീണ്ടും കോടതിയെ സമീപിക്കുന്നത്. 

അറസ്റ്റിലായിട്ട് 60 ദിവസങ്ങള്‍ കഴിഞ്ഞെന്നും അന്വേഷണത്തില്‍ പുതുതായൊന്നും ഇല്ലെന്നുമാണ് ഹര്‍ജിയില്‍ ഉന്നയിക്കുക. ഈ സാഹചര്യത്തില്‍ ജാമ്യം നല്‍കണമെന്നാണ് ആവശ്യം. ഹര്‍ജി ഇന്ന് സമര്‍പ്പിച്ചാലും കോടതി നാളെയായിരിക്കും പരിഗണിക്കുക. തുടര്‍ന്ന് സര്‍ക്കാരിന്റെ വിശദീകരണത്തിനായി മാറ്റിവെയ്ക്കാനാണ് സാധ്യത. 

അടുത്തയാഴ്ച മാത്രമേ ഹര്‍ജിയില്‍ വാദം നടക്കൂ. സംവിധായകന്‍ നാദിര്‍ഷ സമര്‍പ്പിച്ച മുന്‍കൂര്‍ ജാമ്യാപേക്ഷയിലും സര്‍ക്കാര്‍ ഇന്ന് കോടതിയില്‍ മറുപടി നല്‍കും. സംഭവത്തിന്റെ ഗൂഡാലോചനയില്‍ നാദിര്‍ഷയ്ക്ക് പങ്കുണ്ടെന്ന് സംശയമുണ്ടെന്നും ചോദ്യം ചെയ്യേണ്ടതുണ്ടെന്നും ഹര്‍ജി അനുവദിക്കരുതെന്നുമാകും പ്രോസിക്യൂഷന്‍ ആവശ്യപ്പെടുക. കൃത്യത്തിന് മുമ്പ് ദിലീപ് പറഞ്ഞിട്ട് നാദിര്‍ഷ പണം നല്‍കിയെന്ന സുനില്‍കുമാറിന്റെ മൊഴിയും സര്‍ക്കാര്‍ കോടതിയെ ബോധിപ്പിക്കും.










<

JEEVAN TV NEWS

JEEVAN TV NEWS