jeevan news online

  • മുഖ്യമന്ത്രി സ്ഥാനത്തെച്ചൊല്ലി അണ്ണാ ഡിഎംകെയില്‍ തര്‍ക്കം, നിലപാടിലുറച്ച് പനീര്‍ശെല്‍വം, ആവശ്യങ്ങള്‍ അനുഭാവപൂര്‍വം പരിഗണിക്കാമെന്ന് പളനിസാമി
  • കോണ്‍ഗ്രസ് നേതാവ് കമല്‍നാഥ് ബിജെപിയിലേയ്ക്ക്, കേന്ദ്രമന്ത്രിസഭാ പുന:സംഘടനയില്‍ ഉള്‍പ്പെടുത്തിയേക്കും, മധ്യപ്രദേശ് മുഖ്യമന്ത്രി അമിത്ഷായെ കണ്ടു
  • കടകംപള്ളി ഭൂമിതട്ടിപ്പ്, വ്യാജ തണ്ടപ്പേര്‍ സര്‍ക്കാര്‍ റദ്ദാക്കി, നടപടി പ്രതിപ്പട്ടികയില്‍ ഉള്ളവര്‍ക്ക് തിരിച്ചടിയാകും

വാർത്തകൾ വിശദമായി

ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍ ഇന്ന് പ്രധാനമന്ത്രി നരേന്ദ്രമോഡിയുമായി കൂടിക്കാഴ്ച നടത്തും.


മൂന്നുദിവസത്തെ ഇന്ത്യ സന്ദര്‍ശനത്തിനായി ന്യൂഡെല്‍ഹിയിലെത്തിയ അബുദാബി കിരീടാവകാശിയും യു.എ.ഇ. സായുധസേന ഉപസര്‍വ സൈന്യാധിപനുമായ ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍ ഇന്ന് പ്രധാനമന്ത്രി നരേന്ദ്രമോഡിയുമായി കൂടിക്കാഴ്ച നടത്തും. ഇരു രാജ്യങ്ങളും ആറ് കരാറുകളില്‍ ഒപ്പുവെയ്ക്കുമെന്നാണ് സൂചന.

ഇന്ത്യയുടെ ഈവര്‍ഷത്തെ റിപ്പബ്ലിക് ദിനാഘോഷത്തിലെ വിശിഷ്ടാതിഥിയായി എത്തിയ ശൈഖ് മുഹമ്മദിന്റെ സന്ദര്‍ശനത്തിന്റെ ഭാഗമായി ഒട്ടേറെ മേഖലകളില്‍ ഇരുരാജ്യങ്ങളുംതമ്മില്‍ യോജിച്ച് പ്രവര്‍ത്തിക്കാനുള്ള തീരുമാനങ്ങളുണ്ടാവും. ഏതാനും ആഴ്ചകളിലായി ഇരുരാജ്യങ്ങളുടെയും മന്ത്രിമാര്‍തമ്മിലും ഉദ്യോഗസ്ഥതലത്തിലും നടന്ന ചര്‍ച്ചകളുടെ പരിസമാപ്തിയെന്ന നിലയില്‍ ഈ വിഷയങ്ങളിലെ കരാറുകള്‍ ഇരുനേതാക്കളുടെയും സാന്നിധ്യത്തില്‍ കൈമാറും. ഉച്ചയ്ക്ക് ഹൈദരാബാദ് ഹൗസിലാണ് മോഡിയും ശൈഖ് മുഹമ്മദും തമ്മിലുള്ള കൂടിക്കാഴ്ച. ഇതിനുപിന്നാലെ കരാര്‍ കൈമാറ്റവും സംയുക്തപ്രസ്താവനയും ഉണ്ടാകും. സുപ്രധാനമേഖലകളെ സ്പര്‍ശിക്കുന്ന ആറ് കരാറുകളാണ് ഒരുങ്ങുന്നതെന്നാണ് സൂചന. നേരത്തേ പ്രധാനമന്ത്രി നരേന്ദ്രമോഡിയുടെ യു.എ.ഇ. സന്ദര്‍ശനത്തിനിടയില്‍ ഇരുരാജ്യങ്ങളും തമ്മില്‍ അടിസ്ഥാനസൗകര്യവികസനം സംബന്ധിച്ച ധാരണയില്‍ എത്തിയിരുന്നു. 

 

JEEVAN TV NEWS

JEEVAN TV NEWS